في سياق الدراما.. هل ترفض سوسن بدر تقديم المشاهد الجريئة؟

كتب- مينا غالى:

ردت الفنانة سوسن بدر على سؤال بشأن رأيها في تقديم المشاهد الجريئة، وهل رفضت أدوارًا من قبل بسبب جرأتها، أم لم يعرض عليها مشاهد جريئة من الأساس، وذلك خلال لقاءها ببرنامج حبر سري مع أسما إبراهيم على القاهرة والناس.

وقالت بدر: "أنا طبعا مبيتعرضش عليّ مشاهد جريئة دلوقتي.. مفيش ماما ولا تيتة بيبقى عندها مشاهد جريئة، والحقيقة حتى وأنا صغيرة ولا أملك القدرة الكاملة على الرفض رغم أننا بنبقى عايزين نشتغل وعايزين فلوس ونتشهر، بس لما كان بيجيلي دور فيه مشاهد إغراء كنت بشوفها في سياق الدراما، هي مهمة ولا لأ، طب لو اتشالت والدراما كملت وكويس يبقى دي مشاهد مالهاش لزوم.. مجرد بيع".

وأضافت: "لو شيلناها والدراما اتأثرت والسياق هيتلخبط يبقى دي مشاهد مهمة وخلاص اتفقنا أنها لازم تتعمل.. يبقى نشوف هتتعمل ازاي.. أما عن المشاهد غير المؤثرة وافقوا أن هم يشيلوها حاضر ماوافقوش أنا بمشي لو مش مهم، وعملت ده بالفعل من قبل، ولكن لما عملت كده في مشاهد أخرى زي فيلم الأبواب المغلقة أو السفاح اتعملت في منتهى الرقي، وفي سياق الدراما".