جمال العدل: "لو معنديش غير كوتة معينة مش هنتج إلا ليسرا ونيللي "

كتب- وائل توفيق:

كشف المنتج جمال العدل عن تمكسه ببطلات أعماله التي ينتجها، خاصة وأنه لا ينتج أعمال درامية لفنانات غيرهن.

وقال أثناء استضافته في برنامج "العرافة": "أنا عندي بطلات وأبطال في الشركة، أنا ليا دور معاهم وهم ليهم دور في الشركة، فبنكمل مشوارنا مع بعض، لو قدرت أنتج مسلسلين أكتر أو تلاتة، ههتهم أكبر ببطلاتي، في ظل إن في شركات تانية بتعرض عليهم مبالغ مالية أكبر، لكن مبيتخلوش عني ولا أنا بتخلى عنهم، ولو قدرت إني أقدر أنتج مسلسلات أكتر، ممكن أعمل لغيرهم".

وتابع: "لكن لو معنديش غير كوتة معينة، أنا أفضل يسرا ونيللي كريم، يسرا بقالنا عشرين سنة، على مستوى العالم كله مفيش بطلة وشركة إنتاج اشتغلوا مع بعض العدد ده، وده يحسب ليا مش عليا، ونيللي بقالها عشر سنين، وده يعني إن بينا نجاحات متراكمة، وكيميا، وبيخلي اللي برانا يبقى نفسه يكون في المنظومة دي، أنا بحافظ عليهم وهم بيحافظوا عليا".

يعرض مسلسل "أحلام سعيدة" للفنانة يسرا ضمن موسم رمضان الحالي في تمام الساعة 8:25 مساء، ويعاد في الخامسة والنصف صباحا و10:50 صباحا على شاشة "On".

مسلسل أحلام سعيدة بطولة النجوم يسرا، غادة عادل، مي كساب، وشيماء سيف، من تأليف هالة خليل، إخراج عمرو عرفة، وإنتاج شركة "العدل جروب".

أما الفنانة نيللي كريم تشارك في بطولة مسلسل "فاتن أمل حربي".

مسلسل "فاتن أمل حربي" بطولة: نيللي كريم، شريف سلامة، هالة صدقي، فادية عبدالغني، محمد ثروت، محمد الشرنوبي، محمد التاجي، ومن إنتاج جمال العدل، وتأليف إبراهيم عيسى، وإخراج محمد جمال العدل.