ناهد السباعي: "نكلم ربنا بـ أسلوبنا أحسن من قراءة الأدعية"

كتب- هاني صابر:

كشفت الفنانة ناهد السباعي، أنها تؤمن بالحسد، ولكنها تُحافظ على وِرد يومي من الأذكار والصلاة وهو ما يحفظها من الحسد، مُضيفة أنها تتحدث إلى الله بطريقتها الخاصة.

وقالت ناهد في تصريحات تليفزيونية على قناة هي: "أنا طبعًا مؤمنة بالحسد، وطالما بنعمل حاجات مُعنية إن شاء الله مفيش حاجة ومفيش حد يقدر يضر حد غير بإذن ربنا، والناس لو حاولت يكون عندها عادات الصبح وأول الليل بتعملها إن شاء الله ميكونش في حاجة".

وتابعت: "أنا مواظبة على الأذكار اللي هي آية الكرسي وخواتيم صورة البقرة والمعوذتين وصورة الإخلاص، الصبح وبالليل، وبصلي وبكلم ربنا، وبحس إن الواحد لو كلم ربنا بـ أسلوبه أحسن ما يقرأ كلام من أدعية بنشوفها، بتكون طريقة الخشوع بتاعتنا أحسن من أن نقرأ دعاء حلو أوي ولكن مش فاهمين كلام كتير فيه".

وأضافت ناهد السباعي: "طلبت من ربنا كل اللي أنا فيه دلوقتي، أنا نفسي أمثل وأنجح وأعمل أفلام تعيش وأهلي يبقوا فخورين بيا، ويحفظلي أهلي
ويرحم اللي توفوا".

يذكر أن ناهد السباعي تشارك في دراما رمضان 2023 بمسلسل الأجهر.

مسلسل "الأجهر" يعرض في موسم رمضان الحالي عبر قنوات "mbc مصر" وهو بطولة عمرو سعد، درّة، سيد رجب، أحمد مجدي، عمرو عبدالجليل، محمود قابيل، سارة سلامة، أحمد صفوت، مصطفى أبو سريع، ومن تأليف ورشة ملوك، ومن إخراج ياسر سامي.