شيرين رضا عن القبلات في السينما المصرية: "البوسة مش عيب"

كتب- محمد أبوالمجد:

قالت الفنانة شيرين رضا: "إنها مقتنعة بتصريحاتها أن مصطلح السينما النظيفة شتيمة، هو إحنا ايه سينما مش نظيفة عشان يتقال المصطلح دا، ايه دا، السينما فن عمره ما هيكون مش نظيف"، مشيرة إلى أنه لابد أن يكون هناك كل أنواع الأفلام، قائلة: "منقدرش نعمل أفلام كلها حب وأفلام بنهاية سعيدة دي مش الحياة، في حاجات بتحصل في الحياة بنمثلها في السينما عشان نقرب للحياة الحقيقية".

وأضافت "شيرين" في حوارها لبرنامج "أنا والقناع" والذي تقدمه الإعلامية منى عبد الوهاب، على فضائية "الحياة"، مساء الاثنين، أنها لم تقدم قبلات في السينما، ولكنها قدمت "قبلة واحدة فقط"، قائلة: "ولا ندمانة عليها ولا فخورة بيها دي كان دور أنا بلعبه وكان فيه قبله في مكانها، زي ما بمثل دور وأكلت فيه، دا زي دا بالظبط".

وعن رأيها في تحفظ بعض النجمات على القبلات أو ارتداء المايوه أو المشاهد الساخنة، قائلة: "كل واحد حر، وأنا شخصيًا بعمل اللي يناسبني أنا، وكل فنانة بتعمل اللي يناسبها وظروفها وحياتها".

وأردف: "أنا مش هرفض فيلم عشان قبله أو مشهد مايوه، لازم الحاجة تكون في مكانها"، لتقاطعها الإعلامية منى عبدالوهاب، قائلة: "لو القبلة موظفة دراميًا في مكانها ومش مزقوقة أو مبتذلة، معندكيش مانع؟"، لترد شيرين: "لا معنديش مانع لأن كلنا بنبوس بعض ولما شوفتك بوستك والبوسة دي مش حاجة عيب".

يذكر أن برنامج "أنا والقناع" هو برنامج رمضاني تقدمه الإعلامية منى عبدالوهاب ويُعرض على قناتي الحياة وcbc ضمن خريطة الشركة المُتحدة للخدمات الإعلامية وإنتاج شركة DS+، ويستضيف عدد من الفنانين، مثل النجمة يسرا والنجمة غادة عادل والنجمة نيللي كريم والنجم شريف منير وشيماء سيف والنجم الكبير محيي إسماعيل وبيومي فؤاد وريهام عبد الغفور.