سلمى غريب: أنا دفعة السقا ورامز ومحمد سعد.. وتكشف سر غيابها عن الساحة الفنية 7 سنوات

كشفت الفنانة سلمى غريب، عن تفاصيل بداياتها الفنية، وسبب غيابها عن الساحة الفنية لمدة 7 سنوات.

وقالت سلمى غريب، في لقائها مع الإعلامية إنجي هشام، في برنامج "المنسي" المذاع عبر شاشة قناة "هي": دفعتي في معهد السينما كانت مميزة جدًا، لأني كنت دفعة أحمد السقا ورامز جلال، محمد سعد، وكانوا أحلى 4 سنين في حياتي، وترشيحي لمسلسل حديث الصباح والمساء كان عن طريق المخرج أحمد صابر، والمسلسل كان فيه 180 ممثلا وممثلة، وكان من أحلى المسلسلات في حياتي المهنية.

وعن فترة غيابها، فقالت سلمى غريب: "بقالي 7 سنين كده كاشة من الحياة، تعودت على أسلوب معين أني أشتغل من غير واسطة، ودلوقتي بقيت أكتشف أن ممكن يجيلي تليفون عايزينك في مسلسل بكره الصبح، بكره الصبح أروح أعمل إيه؟ ومتقلقيش المشاهد ممكن تيجي على التليفون وإحنا واقفين، وده جو أنا مش متعودة عليه خالص".

وأضافت: في حاجات لما تتعرض بغير جدًا وبقول إزاي أنا مش فيها ببقى هموت، ولازم يكون في تناغم وأحضر وأتكلم مع المخرج.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بداياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.